महोत्तरीमा आर्केष्ट्राको विषयमा झडप हुँदा एकको मृत्यु
महोत्तरी । महोत्तरीमा आर्केष्ट्राको विषयमा झडप हुँदा एकको मृत्यु भएको छ ।
दुई पक्षबीचको झडप हुँदा मृत्यु हुनेमा महोत्तरीको सोनमा गाउँपालिका–२ स्थित तरहारी इमलिया टोल बस्ने ५० वर्षीय रामप्रसाद राय यादव रहेको प्रहरी उपरीक्षक दिनेश आचार्यले जानकारी दिएका छन् ।
उनको उपचारको क्रममा मृत्यु भएको महोत्तरी प्रहरीले जनाएको छ ।
गएराति विश्वकर्मा पूजाको अवसरमा सोनमा गाउँपालिका वडा( ७ स्थिति मैनटोलामा आर्केष्ट्रा ल्याइएको थियो ।
सोही आर्केष्ट्रा हेर्न यादव समूहका व्यक्तिहरु गएपछि झगडा भएको थियो । सोही विषयलाई लिएर आइतबार दुई पक्षबीच विवाद भएको थियो ।
घटनामा संलग्न रहेको आरोपमा सोनमा गाउँपालिका वडा –७ का ३५ वर्षीय मलेशी सदा र २८ वर्षीय नथु सदालाई महोत्तरी प्रहरीले पक्राउ गरेको छ ।
यी बाहेक अन्य ४ जना बिच समेत कुटाकुट भएको थियो । तर यस घटना सम्बन्धमा थप अनुसन्धान भइरहेको महोत्तरी प्रहरीले जनाएको छ ।
प्रतिक्रिया