तालिबानद्धारा १३ हजारा समुदायका मानिसको हत्या
काठमाडौं । अफगानिस्तानमा तालिबानले अल्पसंख्यक हजारा समुदायका १३ जनाको हत्या गरेका छन् ।
तालिबानले सिया जातिय समुदायका अल्पसंख्यक हजारा समुदायका १३ जनाको हत्या गरेको समाचार संस्था अलजिराले जनाएको छ ।
एम्नेस्टी इन्टरनेसनलको रिपोर्ट अनुसार तालिबानले हालै दयाकुंडी प्रान्तको कहोर गाउँ पुगेर १३ जनाको हत्या गरेका हुन् ।
तीमध्ये केही अफगान सेनाका पूर्व सैनिक समेत रहेका थिए । उनीहरुले तालिवानको कब्जा पछि आत्मसमर्पण गरेका थिए । यस्तै, दुई आम सर्वसाधारण अफगानिसमेत मारिएको जनाइएको छ ।
एक सैनिकको जवाफी कारबाहीमा तालिबानका एक लडाकू समेत मारिएको उल्लेख छ ।
एम्नेस्टीका महासचिव एग्नेस क्यालामर्डले यस हत्याले तालिबानले अफगानिस्तानमा आफ्नो अघिल्लो शासनकालमा गरेको कुख्यात अपराधहरु फेरी दोहो¥याएको प्रमाण दिएको बताए ।
हजारा समुदाय बिगतदेखि नै तालिबान र आईएसआईएसको निशानामा पर्दै आएको छ ।
एम्नेस्टीका अनुसार, १९९० को दशकमा आफ्नो पाँच बर्षको शासनकालमा तालिबानले बल्ख र बामियानमा सैयौं हजारा समुदायका मानिसहरुको हत्या गरेका थिए । शिया हजारा समुदाय त्यहाँको जनसंख्याको एक ठूलो हिस्सा हो जसलाई लगातार लक्षित गरीदै आएको जनाइएकोछ ।
प्रतिक्रिया