२०८० असोज १३ गते | 30th of September 2023

थुनुवाको मृत्युपछि सुनसरी जिल्ला प्रहरी कार्यालय परिषर तनावग्रस्त, एक दर्जन बढी घाइते

थुनुवाको मृत्युपछि सुनसरी जिल्ला प्रहरी कार्यालय परिषर तनावग्रस्त, एक दर्जन बढी घाइते
Sanchar_np प्रकाशित: २०७८ असोज २४ गते १०:४७

सुनसरी । प्रहरी हिरासतमा रहेका थुनुवाको मृत्यु भएपछि सुनसरी जिल्ला प्रहरी कार्यालय परिषर तनावग्रस्त बनेको छ ।

पीडितका आफन्त सहित ठूलो संख्याको भीडले प्रहरी माथि आक्रमण थालेपछि दोहोरो झडप समेत भएको छ ।

ढुङ्गामुडा पश्चात प्र्रहरीले प्रर्दशनकारीलाई लखेट्न आधा दर्जन बढी अश्रुग्यास समेत प्रहार गरेको छ । झडपमा प्रहरी सहित एक दर्जन बढी घाइते भएका छन् ।

प्रर्दशनकारीले पूर्वपश्चिम राजमार्ग समेत अवरुद्ध पारेका छन् । उनीहरुले प्रहरीले सुनियोजित रुपले थुनामा रहेका व्यक्तिको हत्या गरेको भन्दै लाश नबुझ्ने बताएका छन ।

उता जिल्ला प्रहरी कार्यालय सुनसरीका प्रमुख सञ्जय सिंह थापाले सीसीटीभी क्यामेरामा स्पष्ट हात्महत्या गरेको देखिएकाले प्रहरी माथि आक्षेप लगाउनु उचित नहुने बताउनु भयो । उहाँले घटना अनुसन्धानको क्रममा रहेकाले छानविन हुने बताउनु भयो ।

प्रहरीले प्रर्दशनकारीलाई हटाउन पटक पटक प्रयास गरेपनि उग्र बनेको समूह प्रहरी माथि जाई लागेको थियो ।

झडपका क्रममा प्रहरी कार्यालय र परिषरका संरचनामा क्षति समेत पुगेको छ । कार्यालय र इनरुवा बजार क्षेत्रमा ठुलो संख्यामा प्रहरी परिचालन गरिएको छ ।

सुनसरी प्रहरीका अनुसार अभद्र व्यवहार मुद्धामा पक्राउ परेका भोक्राहा ५ का मोहम्मद हकिम साह अनुसन्धानको क्रममा थुनामा थिए ।

प्रतिक्रिया

Leave a Reply

Your email address will not be published. Required fields are marked *