ओलीको चियापान कार्यक्रममा एस भने नजाने
काठमाडौं । नेपाल कम्युनिस्ट पार्टी (एमाले)का अध्यक्ष केपी शर्मा ओली सोमबार दिउँसो विराटनगर पुगेका छन् ।
बडा दसैँ, तिहार र छठ पर्वको अवसरमा आयोजना गरिने चियापान कार्यक्रमलाई सम्बोधन गर्न ओली विराटनगर आएका हुन् ।
ओली सहभागी हुने कार्यक्रमका लागि विराटनगर आसपासबाट एमालेका सयौँ कार्यकर्तालाई विराटनगर ल्याइएको छ ।
कार्यक्रममा ओलीसँगै प्रदेश र केन्द्रका अन्य नेता पनि सहभागी हुने बताइएको छ ।
अध्यक्ष ओली आजै साँझ काठमाडौं फर्कने कार्यक्रम छ ।
कार्यक्रमलाई सम्बोधन गरेपछि ओलीले कार्यकर्तासँग भेटघाट गर्ने एमाले प्रदेश १ का सचिव विनोद ढकालले जानकारी दिए ।
उक्त कार्यक्रममा नेपाल कम्युनिस्ट पार्टी (एकीकृत समाजवादी) भने नजाने भएको छ ।
ओली सहभागी हुने कार्यक्रममा आफ्नो पार्टीको सहभागिता नरहने नेकपा (एकीकृत समाजवादी) मोरङका प्रवक्ता ओसिम आलमले जानकारी दिएका छन् ।
प्रतिक्रिया