मुलुकमा भएको राजनीतिक परिवर्तनको नेतृत्व प्रचण्डले गरेका हुन्ः अर्थमन्त्री शर्माको

काठमाडौं । अर्थमन्त्री एवं माओवादी केन्द्रका नेता जनार्दन शर्माले मुलुकमा प्राप्त राजनीतिक परिवर्तनको नेतृत्व पुष्पकमल दाहालले गरेको दावी गरेका छन् ।

उनले मुलुकमा भएको राजनीतिक परिवर्तन माओवादी र त्यसको नेतृत्व पुष्पकमल दाहालको आँट र साहसबाट मात्रै सम्भव भएको बताए ।

नेता शर्माले अध्यक्ष दाहाल र माओवादी नेतृत्वमा मुलुकमा यो परिवर्तन आएको सच्याईलाई स्थापित गर्ने काममा लाग्न पार्टी निकट प्रेस सेन्टर नेपालका नेता, कार्यकर्तालाई निर्देशन समेत दिएका छन् ।

त्यसो गर्दामात्रै जनता र राष्ट्रप्रति न्याय गरेको ठहर्ने बताए ।

अर्थमन्त्री शर्माले जनतालाई सही सूचना दिने र सरकारले गरेका कामहरुको जानकारी गराउने काममा पनि सञ्चार क्षेत्रमा आवद्ध संघ, संगठनहरुले जोड दिनुपर्ने जरुरी रहेको बताए ।