सभापतिमा आफूलाई सघाउन शशांकसँग देउवाको आग्रह
काठमाडौं । नेपाली काँग्रेसको सभापतिका उम्मेदवार तथा प्रधानमन्त्री शेरबहादुर देउवा र महामन्त्री शशांक कोइरालाबीच भेटवार्ता भएको छ ।
मंगलबार देउवाको आग्रहमा प्रधानमन्त्री निवास बालुवाटारमा भेटवार्ता भएको हो ।
भेटवार्ताको क्रममा देउवाले सभापतिमा आफूलाई सघाउन आग्रह समेत गरेका थिए ।
तर, शशांकले आफू पार्टी एकताको पक्षमा रहेको भन्दै पार्टीलाई मिलाएर लैजान देउवालाई आग्रह गरेका थिए ।
शशांकका स्वकीय सचिव भरत तिवारीले देउवाले सहयोगका लागि आग्रह गरेपनि महामन्त्रीले आफू एकताको पक्षमा रहेकाले कसैको पक्षमा खुल्न नसक्ने धारणा राखेर बालुवाटारबाट फर्किएको ताएका छन् ।
आजै देउवा र शेखर कोइरालाबीच सभापतिमा दोस्रो चरणको प्रतिस्पर्धा भइरहेको छ ।
प्रतिक्रिया