ओमिक्रोनको संक्रमण तीव्र गतिमा फैलिएपछि नेदरल्याण्ड्समा पनि लकडाउन
एजेन्सी । कोरोना भाइरसको नयाँ भेरियन्ट ओमिक्रोनको संक्रमण तीव्र गतिमा फैलिन थालेपछि नेदरल्याण्ड्समा कडा लकडाउन लागू गरिने भएको छ ।
नेदल्याण्ड्सले नजिकिँदै गरेको क्रिसमसमा संक्रमण थप बढ्न सक्ने भन्दै लकडाउन कडा बनाउने निर्णय गरेको हो ।
संक्रमणको जेखिमलाई मध्यनजर गर्दै अत्यावश्यक बाहेकका पसल, बार, जिम, सैलुनसहित सार्वजनिक स्थानहरु आउँदो जनवरीको मध्यसम्म बन्द लागिएको त्यहाँका स्थानीय सञ्चार माध्यमहरुले जनाएका छन् ।
घरमा पनि दुईजनासम्म मात्र पाहुना आउन पाउने छन् । चाडपर्वको बिदाको समयमा चारजनासम्म पाहुना आउन पाउने जनाइएको छ ।
प्रधानमन्त्री मार्क रुटले लागु गरिएका कुनै पनि नियम उल्लंघन गर्न नपाइने बताएका छन् । नयाँ नियम आइतबारदेखि लागु भएको हो ।
हालसम्मकै धेरै उत्परिवर्तन (म्युटेशन) भएको ओमिक्रोनको संक्रमण फैलिँदै गएका कारण युरोपका अधिकांश देशले प्रतिबन्धात्मक नियम लागु गरेका छन ।
प्रतिक्रिया