ला लिगा : बराबरीमा रोकियो रियल

काठमाडौं । स्पेनिस ला लिगा फुटबलमा रियल मड्रिड बराबरीमा रोकिएको छ ।

आइतबार राति भएको खेलमा च्याम्पियन बनिसकेको रियल काडिजसँग १-१ गोलको बराबरीमा रोकिएको हो ।

काडिजको मैदानमा सुरुआती अग्रता जोगाउन नसक्दा रियलले अंक बाड्नु परेको हो ।

खेलको पाँचौं मिनेटमा मारियानो डियाजले गोल गर्दै रियललाई सुरुआती अग्रता दिलाएका थिए ।

तर, खेलको ३७ औं मिनेटमा रुबेन सोब्रिनोले गोल गर्दै काडिजलाई १-१ गोलको बराबरीमा ल्याएका थिए ।

यस बराबरीसँगै शीर्ष स्थानको रियलले ३७ खेलमा ८५ अंक जोडेको छ । काडिज ३६ अंक जोडेर १७ औं स्थानमा रहेको छ ।