प्रेमगीत ३ का निर्देशक सन्तोष सेनविरुद्ध उजुरी

काठमाडौं, नेपाल र भारतसहित विश्वभर एकैसाथ रिलिज भएको नेपाली चलचित्र ‘प्रेमगीत ३’ का निर्माता तथा निर्देशक सन्तोष सेनविरुद्ध उजुरी परेको छ ।

भारत सिक्किमका रामगोपाल राईले सेनले सम्झौताविपरीत डिजिटल राइटस् नदिई ठगी गरेको भन्दै चलचित्र निर्माता संघमा उजुरी दिएका हुन् ।

उनले चलचित्रको हिन्दी डब तथा अन्य काममा सहयोग गरेको, चलचित्रको डिजिटल राइट्सका लागि सम्झौता गरी ३ करोड भारतीय रुपैयाँसमेत सेनलाई दिएकोमा सम्झौताविपरीतका कार्य भएकाले उक्त रकम फिर्ता गराइदिन उजुरी दिएको उल्लेख गरेका छन् ।